தந்தை பெரியார் அவர்களுக்கு 

பிறந்தநாள் வாழ்த்து கவிதை

============================================செப்டம்பர் = 17

ஈரோட்டு பெருங்கிழவன்

ஈன்றுபோட்ட பகுத்தறிவு

இருமாப்பாய் படருதடா – தம்பி

இமயம்போல் வளருதடா............................

.

.

பாம்பாட்டி வித்தைகளும்

பழம்கொடுமை நத்தைகளும்

பற்றாமல் அழியுதடா – தம்பி

பார்ப்பனியம் ஒழியுதடா..........................

.

.

சூத்திர மடமைகளும்

சூலத்து சூழ்ச்சிகளும்

சுக்குசுக்காய் உடையுதடா – தம்பி

சுடுநெருப்பில் வேகுதடா......................

.

.

சாதிய அடுக்குகளும்

சமயத்தார் துடுக்குகளும்

சந்தி சிரிக்குதடா – தம்பி

சாஸ்த்திரம் வெளுக்குதடா..................

.

.

ஈவேரா இல்லாட்டி

ஈஎறும்பாய் இருந்திருப்போம்

இழிவு தொலையுதடா – தம்பி

இருட்டு துலங்குதடா.................

.

.

இந்த

தாடிகிழவன் மட்டும்

தமிழ்நாட்டில் பிறக்கலையேல்

தமிழர்கள் ஏதடா – தம்பி

தலைவர்கள் ஏதடா..........................

.

.

இவண்;

சடையன் பெயரன்,

இராசேந்திரப்பட்டிணம்,

விருத்தாச்சலம் வட்டம்,

தமிழ்நாடு.